Saturday, November 24, 2012

जनकपुरमे रेकर्डिङ्ग स्टूडियोक स्थापना (रिपोर्ट सुजीत कुमार झा)



जनकपुरधाम, अगहन ६ ।
जनकपुरमे गीत रेकर्डिङ्गकेँ स्टूडियो स्थापना भेल अछि ।
क्याम्पस चौक स्थित कामेश्वर मल्लिकक घरमे निशान्त अडियो भिडियो एण्ड सपोर्ट सिस्टम नवरस नामक ओ रेकर्डिङ्ग स्टूडियोकेँ मंगलदिन एक समारोहबीच वन तथा भू–संरक्षण मन्त्री यदुवंश झा उद्घाटन कएलन्हि ।
ओ स्टूडियोमे हरेक प्रकारक गीत रेकर्डिङ्ग करवाक प्रविधि रहल समारोहमे
नवरसक संचालक सुनिल मल्लिक जानकारी देलन्हि ।
समारोहमे मन्त्री झा मैथिली भाषा, साहित्य कला संस्कृतिक विकासक लेल निजी स्तर सँ जे प्रयास भऽ रहल अछि ओ प्रशंसनीय रहल उल्लेख कएलन्हि ।
एहि स्टूडियोक माध्यम सँ मैथिली कलाक विकास हएत हुनक कथन छल ।

ओ अवसरपर नेहा प्रिदर्शनीद्वारा गाओल गेल गीतक गीति एल्वम ‘नेहा’केँ लोकार्पण कएल गेल । ओ गीति एल्वमकेँ वन तथा भू–संरक्षण मन्त्री यदुवंश झा आ मैथिलीक वरिष्ठ साहित्यकार डा. राजेन्द्र विमल संयुक्त रुप सँ लोकार्पण कएलन्हि ।
स्टूडियोक निर्देशक कामेश्वर मल्लिकक अध्यक्षतामे सम्पन्न ओ उद्घाटन तथा विमोचन समारोहमे डा. राजेन्द्र विमल, डा. रेवती रमण लाल, विद्यापति कोषक संयोजक अयोध्या नाथ चौधरी, नेकपा माओवादीक नेता रोशन जनकपुरी, मिथिला नाट्य कला परिषदक पूर्व अध्यक्ष सुनिल मिश्र, मैथिली विभागक प्रमुख परमेश्वर कापड़ि, कान्तिपुरक श्याम सुन्दर शशि, रेडियो मिथिला आ मिथिला डटकमक सम्पादक सुजीत कुमार झा, अनिल चन्द्र झा, नेहा प्रियदर्शनी सहितक वक्तासभ बाजल छलथि ।

No comments:

Post a Comment