Tuesday, January 31, 2012
मिथिलांचल क्षेत्रमे प्राथमिक आ मध्य विद्यालयी शिक्षाक माध्यम मैथिली करबा लेल बिहार सरकारपर द्वाब बनेबा लेल ३ फरबरी २०१२ केँ विदेह द्वारा विचार गोष्ठीक आयोजन (रिपोर्ट गजेन्द्र ठाकुर)
बिहार मे मिथिलांचल क्षेत्रमे प्राथमिक आ मध्य विद्यालयी शिक्षाक माध्यम मैथिली करबा लेल बिहार सरकारपर द्वाब बनेबा लेल ३ फरबरी २०१२ केँ विदेह द्वारा विचार गोष्ठीक आयोजन कएल जा रहल अछि आ संगमे हस्ताक्षर अभियान सेहो शुरू कएल जाएत, आ ८ फरबरी २०१२ केँ मुख्यमंत्री नीतिश कुमारकेँ ज्ञापन देल जाएत। श्री राहुल कुमार आ श्री अमरेन्द्र कुमार साहक संयोजकत्वमे विदेह विचार गोष्ठी ३ फरबरी २०१२ केँ २ बजे अपराह्णसँ अशर्फी दास साहू समाज इण्टर महिला महाविद्यालय, निर्मली (जिला सुपौल) मे आयोजित हएत। सुप्रीम कोर्ट सेहो बिहार सरकारक अपीलकेँ खारिज कऽ देने अछि आ कोनो बाधा नै बचल अछि (http://esamaad.blogspot.in/2011/11/blog-post_14.html ) बिहारक मुख्यमंत्रीकेँ १४ अक्टूबर २०११केँ श्री जगदीश प्रसाद मण्डल आ श्री राजदेव मण्डलक ६ टा पोथी देल गेल छलन्हि आ ई मुद्दा उठाओल गेल छल (http://esamaad.blogspot.in/2011/10/blog-post_15.html)
मजहर इमामक मृत्यु
मजहर इमाम- जन्म १९३० ई. दरभंगा (बिहार)मे आ मृत्यु २०१२ ई. दिल्लीमे। आजाद गजल लिखैबला (ओना बेशी गजल ओ बहरयुक्त लिखलन्हि) श्री मजहर इमामकेँ हुनकर काव्य संग्रह "पिछले मौसम का फूल" लेल उर्दूमे साहित्य अकादेमी पुरस्कार १९९६ ई. मे देल गेल। ओ "आजाद गजल"केँ स्थापित केलन्हि। "पिछले मौसम का फूल"मे ५५ टा बहरयुक्त आ ३ टा आजाद गजलक संकलन अछि। ओ १९८८ ई.मे श्रीनगर दूरदर्शनमे केन्द्र निदेशकक पदसँ अवकाश ग्रहण केने रहथि।
Monday, January 30, 2012
Subscribe to:
Posts (Atom)