आन्हर क रोल करब चुनौती छल: श्रृति झा(साक्षात्कार विनीत उत्पल)

अंग्रेजी साहित्य क पढ़ाई आ थियेटर करैत-करैत कखन सीरियल करै लगलथि इ श्रृति कए पता नहि चलल। ‘धूम मचाओ धूम’, ‘जिया जले’, ‘ज्योति’ आओर ‘शौर्य आ सुहानी’ सन सीरियल मे काज करि छोट पर्दा क जरिए..घर-घर मे पहचानल चेहरा श्रृति झा सीरियल रक्त संबंध मे लीड भूमिका मे छल। एहि मे ओ आंखि क रोशनी गवां चुकल ‘संध्या’ क रोल निभाने रहल।                                                                                      




विनीत उत्पल सें गपशप:-


 -अंग्रेजी साहित्य क स्टूडेंट रहि, एक्टिंग मे कोना आबि गेलहु?                
 -स्कूल-कॉलेज मे थियेटर करैत रही। दिल्ली विश्वविघालय क श्री वेंकटेश्वर कॉलेज स जखन ग्रेजुएशन करि रहल छलहुं तखने थियेटर ग्रुप ज्वाइन केने रही। कॉलेज क ड्रामा सोसाइटी मे शामिल भेल रही आ एक साल प्रेसिडेंट सेहो बनल रही। ओहि दौरान काफी थियेटर केने रही आ एहि स संबंधित वर्कशॉप मे भाग सेहो लेने रही।                                                                                                                                                        




-अहांक पैतृक घर कतए भेल, परिवारक आओर कियो एहि फील्ड मे छथि?                                               --हमर पैतृक घर बिहार क दरभंगा जिला क डरहार नामक गाम भेल। पापा फर्स्ट फ्लाइट कोरियर मे एमडी (नेपाल) छथि। परिवार क कोनो सदस्य एक्टिंग या फिल्म प्रोडक्शन क फील्ड मे नहि छथि।                       -






-एहि मुकाम तक पहुंचबा मे कोनो तरह संघर्ष ?                                                                                         -
-कॅरियर मे जतय तक पहुंचलहु अछि, माता-पिता क पर्याप्त सहयोग रहल। कहियो कोनो काज लेल ओ मना नहि केलथि। शुरूआत मे कनि दिक्कत भेल, मुदा आब जखन हमरा टीवी पर देखैत छथि, त सबकए नीक लगैत छैन।                                                                                                                                      


-कौन-कौन सीरियल मे काम केलहु अछि?                                                                                                   -‘धूम मचाआघ् धूम’, ‘जिया जले’, ‘ज्योति’ आ ‘शौर्य आ सुहानी’ मे अभिनय करबाक अवसर भेटल अछि। सीरियल ‘जिया जले’ आ ‘शौर्य आ सुहानी’ मे लीड रोल छल।                                                                    -




-इमैजिन टीवी पर प्रसारित ‘रक्त संबंध’ मे कौन तरह क रोल छल?                                                               -‘रक्त संबंध’ मे आन्हर लड़की ‘संध्या’ क रोल केने छलहूँ. ओ पांच बहिन मे सबस छोट अछि। ओकर विवाह क दिन ओकर पिता खुदकुशी करि लैत छथि आ फेर पांचों बहिन क परिवार सेहो अछि।                                                                                                                                                     




-एकटा आन्हर लड़की क रोल करब केतब मुश्किल छल?                                                                             -इ रोल करब अपना मे चुनौती छल, मुदा हम एकरा स्वीकार केलहुं। एहि स पहिने सेहो हम मेंटली अनसाउंड क किरदार निभा चुकल छी। ‘संध्या’ कए आंखि मे रोशनी नहि हेबाक कारण स ओकरा लेल हर चीज खूबसूरत छै। ओ अपन दायरा मे सुंदरता कए परिभाषित करैत अछि।                                                                     


-भविष्य मे कौन तरह क काज करब पसिन करब?                                                                                       -जतय काज भेटत, नीक काज भेटत, हम जरूर करब।


 -की-की शौक अछि अहांक?                                       -
-पढ़बाक शौक अछि, फिल्म सेहो खूब देखैत छी। क्लासिक आ ऑटोबायोग्राफी पढ़ब काफी पसिन अछि। अमिताभ घोष क किताब हमरा नीक लगैत अछि। एखन अबरार अल्वी क ‘टेन ईयर वीथ गुरूदत्त’ पढ़ि रहल छी।                                                                                                                                                         -




-ककरो स रिलेशन?                                                                                                                                     --हमरा असगर रहब नीक लगैत अछि आ संघर्ष करब सेहो। फिलहाल हम ककरो संग कोनो ‘रिलेशन’ मे नहि छी।

(साभार विदेह http://maithilifilms.blogspot.com/)